D.2007    NASANDIN,ARMANC,PERSPEKTIV

Kd-  Di serdema teknolojî û ragihandinê Neteweyekî bê dewleke serbixwe ku wek Neteweya Kurd herî zêde hewcaderê dezgeh û amûrên medyayê ye. Hawar Kurdistan Interactive Media Group jî di çerçoveya vê rastîyê de hatîye avakirin.

Rastîya ku berbiçavan ewe ku Cîhana îro de medya hêza herî mezin e .Medyaya Kurdî ku di sala 1898an de bi hewla pîroz a Miqdad Mîdhet Bedirxanê bi rojnameya “Kurdistan” destpêkirîye,di serdema îro de bersiva pêwîstîyên Neteweya Kurd nikare bide.

Her çiqas piştî damezirandina Dewleta Federe ya Kurdistan li Başurê Kurdistanê Medyaya Kurdî gelek pêşketi be jî ev pêşketin nikare Neteweya Kurd di Sedsala 21an de bibe konaxa ku pêwîst dike.Niha li Başurê Kurdistanê 3  televîzyon û 5 radyoyê satalaytî,ji zêdetirê 15 televizyon û 20 radyoyên ku weşana bejayî dikin,bi dehan rojname û bi sadan kovar û portalên înternetê weşan dikin,li bakurê Kurdistanê 2-3 rojname 10-12 kovar heye,Rewşa Rojhilat û Rojavayê Kurdistanê jî nêzîkê rewşa Kurdistana Bakur e.Ango perçeyên din ne wek Kurdistana Azad e.Neteweyên ku ji nifusa Neteweya Kurd kêmtirin xwedî bi dehan tv,radyo sedan kovar,malper û rojnameyan e.Bêgûman bi sedî sed pêşketina Medyaya Kurdî girêdaye avabûna dewletekê serbixwe ya Kurdistanê ye.Ji bo pêşxistina çand,huner,ziman,zanist,teknolojî,civak,dîplomasîya Kurdî, ,bo modernîze Kurdistan û civaka Kurdî, Medyaya Kurdî rola sereke dileyze û ewê dahatûyê de jî bileyze. Rola Medyaya Kurdî di pêvajoya serxwebûna Kurdistanê de jî pirr mezine.Lê nebûna dewletekê serbixwe ya Kurdistan nayê ve wateya ku Medyaya Kurdî nikare bigehije asta navneteweyî.Bi hincetan wexta Gelê Kurd hatiye dizîn û niha jî tê dizîn.

Di roja me de girîngîya medyaya elektronîk ango medyaya înternetê her roj zêdetir dibe. Li gor nêrînên pisporan ayîndeya medyayê di înternetê de ye.Di vê konaxê de bo afirandina deskeftîyan ser înternetê butçeyekê mezin ne pêwist e.Di çerçoveya perspektîf û vizyonekê xurt de bo Neteweya Kurd weşanên girîng dikarin bên avakirin.

Hawar Kurdistan Media Group di vê konaxê de wekî projeyekê ser 2 gavan hatiyê fikirîn. 2 gava yekem di dema nêzik Û gava 2 jÎ bo dema dirêj hatiye fikirîn. Weşanên pêngava dema nêzîk hatine vekirin.HKMG gavekê bo zêdekirina bala cemawerê ser Medyaya Kurdî, zêdekirina lezahîya pêşketina Medyaya Kurdî û damezirandina yekem gruba medyaya înteraktîf(online) ya Kurdî hatiye avêtin. Hawar Kurdistan Media Group dixwaze di vê warî de bibe mînak bo xebatên bi vê rengî.Hawar Kurdistan Media Group tenê projeye ku bo ger delfet hebin valahîya han dagre.

Wekî ku tê zanîn medya di Cîhanê de bi 3 cûre saz bûye.

1-Dîtbarî,Bihswerî  2-Çapkirî,Nivîskî 3-Înteraktif-Onlîne(Medyaya Nû)

HKMG niha bi giranî grubekê medyaya înteraktîf e.Ger şertûmerc dirûst be medyaya dîtbarî, çapkirî û xizmetên produsîyon (bo mûzîk û sînemaya kurdî) di nav projeyên HKMG de ne. HKMG bi giştî pêngaveke taybet,bê layen yekem grûba medyaya înteraktîf(online) ya Kurdî ye.

Bi pêkhatina vê projeyê li Kurdistana Azad jî HKMG xwe birexistin bike. HKMG Serxwebûna Kurdistan,piştî serxwebûnê jî di Cîhanê de bo Kurdistan rola herî mezin û asta herî  bilind ji xwe re bingeh digre.

HKMG li beramberî hemû hewlên dijî berjewendîyên giştî û stratejîk yên Kurdistan û Çanda Kurdî disekine.

ARMANC

Ji xeynî armancên ku li jor de hatine rêz kirin,armanca bingehîn a HKMG pêşxistina ragihandin u3 agahdar bûna gelê Kurd pêşxisitna bingeha medya, ziman, çand, folklor,wêje, hişmendîya dîrokê, înternet û zanista kurdî, bernamesazîya kurdî,hêza sîyasîya Kurdistan, modernîze kirin û pêşxistina Kurdistan de alîkarî dayîn û bi vê avahî  parastin,pêşxistin û berdewamîya Şaristanîya Kurdistan e.

Niha girêdayî HKMG weşanên çalak yên nûçeyê HAWARDENGÛBAS,KURDISTANNETEW,weşanên aktîf yên agahî û çandî  MEDYAYAKURDÎ(portala Medyaya Kurdî),ABORIYAKURDISTAN(Malpera aborîya Kurdî),Malpera mûzîka Kurdî MUZIKKURD,weşana teknolojî û zanistê ZANISTÛTEKNOLOJÎ,weşana wêjeya Kurdî PIRTÛKÛWÊJE, malepra sînemaya Kurdî SINEMAKURD,malpera lînkên Kurdî KURDISTANMALPER, malpera Dewleta Federe ya Kurdistan,malpera dîroka Kurdistan(Mejû Dewletên Kurdî), ,malperek derbarê Kerkûkê de,malpera zankoyên Kurdistanê û di mijar û babetên cûrbecûr de ji zêdetirê 30 malper(Hûn dikarin di stûna rast de hemû malperan bibînin) girêdayî HKMG weşan dike.Ji %95 ê malperan bi zimanê Kurdî weşan dikin.HKMG Zimanê Kurdî wekî zimanê “tenê” ya Medyaya Kurdî dibîne.Hemû zimanên din divê bo dîplomasîyê were bikaranîn.

Hin malperên HKMG di konaxa çêkirinê de ne.Malperên ku kêmasîya wan hene di nava pêvajoyê de were temama kirin.

Di malperên wek Hawar Dengûbas,Pirtûk û Wêje de nivîskarên Kurd dikarin xebatên xwe biweşînin.Kesên ku dixwazin reklamên xwe di organên HKMG de biweşînin

Di projeyên dema navîn vekirina Televizyon(Hawar TV) û radyo(Radyo MuzîKurd)  ser webê di projeyên dema dirêj de jî vekirina Televizyon(Hawar TV) û radyo(Radyo MuzîKurd) bi şêweya satalaytî, rojname(Rojnameya HawarKurdistan),kovara wêjeyî(Kurdolog),kovara aktualîteyê (24 Saet) hene.Şîrketên musîk û filmê(KurdFilm û  HawarKurd Music) jî di nav projeyê de ne.

Ev malper malpera dezgehîya HKMG’yê ye ûbi navberîya vê malperê tê ragihandin ku ragihandin ku navên Kurdolog,Hawar Dengûbas,KurdFilm,HawarKurd Music, Radyo MuzîKurd,Hawar TV,Rojnameya HawarKurdistan,  hatine parastin.

Pêtala ku Celaled Elî Bedîrxan bo geşedana şaristanîya Kurdistanê, vexistîyê wê tu carê venemire.